საქველმოქმედო კვირეული

ქართულ-ამერიკულ სკოლაში ნოემბერი სავსე იყო კეთილი საქმეებით!

ეკო-კლუბის ინიციატივით სკოლაში განთავსდა სასაჩუქრე ყუთები ფონდ „მომავლის გზის“ ბავშვებისთვის. კამპანიაში ბევრი ადამიანი ჩაერთო, ხოლო შეგროვებული საჩუქრებით GAS-ის ეკო-კლუბის წევრები „მომავლის გზის“ პატარა მეგობრებს ესტუმრნენ , გადასცეს საჩუქრები და მათთან ერთად გაიზიარეს გულწრფელი სიხარულის წუთები. ბავშვების ღიმილი ხომ ყველაზე ძვირფასი საჩუქარია!

ასევე, Halloween-ზე თვითმმართველობამ გამართა საქველმოქმედო გამოფენა-გაყიდვა და შეგროვებული თანხა მოხმარდა სურსათის შეძენას, რომელიც გადაეცა საქველმოქმედო ფონდს „ცხოვრება მშვენიერია“.

კეთილი საქმე გადამდებია — მალე გაგიზიარებთ სიახლეებს ჩვენი სკოლის მომდევნო საქველმოქმედო აქტივობაზეც!