.png)
3 ივნისს ქართულ-ამერიკულ სკოლას სტუმრობდა შეერთებული შტატების საელჩოს კულტურის ატაშე, კრისტოფერ ანდერსონი. მან მე-10 და მე-11 კლასის მოსწავლეებს ესაუბრა აშშ-ში სამოქალაქო უფლებების შესახებ; ხაზი გაუსვა იმ გამოწვევებს, რომლებიც დაკავშირებულია ადამიანის უფლებებთან; ყოველივე ეს კი საქართველოში არსებულ პოლიტიკურ-კულტურულ ვითარებას დაუკავშირა.
შეხვედრის მეორე ნაწილი კითხვა-პასუხის რეჟიმში გაგრძელდა, რა დროსაც მოსწავლეების მხრიდან არაერთ მნიშვნელოვან კითხვას უპასუხა სტუმარმა.
ქართულ-ამერიკულ სკოლას მუდმივად სტუმრობენ პროფესიონალები და საზოგადო მოღვაწეები, რომლებიც თავის გამოცდილებას უზიარებენ მოსწავლეებს და მათ შეკითხვებს პასუხობენ.
